हिमालयन बैंक लिमिटेडले आफ्नो संस्थागत सामाजिक उत्तरदायित्व अन्तर्गत तीनकुने, नयाँ बानेश्वर, काठमाडौं स्थित ‘महानगरीय प्रहरी वृत्त, नयाँ बानेश्वर’ लाई दुई थान कम्प्युटर खरिद गरी हस्तान्तरण गरेको छ।
महानगरीय प्रहरी वृत्त, नयाँ बानेश्वरका कर्मचारीहरुलाई आधुनिक प्रणालीको कम्प्युटरको कमी हुनाका कारण दैनिक प्रशासकीय कार्यमा ढिला–सुस्ती भएको हुँदा सो कार्य सहज होस् भनेर बैंकले रुपैया एक लाख दश हजार मूल्यको दुई थान कम्प्युटर सेट सहयोग स्वरुप प्रदान गरेको जनाएको छ।
बैंकका तर्फबाट बैंकका मुख्य प्रबन्धक समीर आचार्यले वृत्तका प्रहरी उपरिक्षक मीम बहादुर लामालाई एक समारोह बीच उक्त सहयोग हस्तान्तरण गरेका छन्। सो समारोहमा बैंक तथा वृत्तका अन्य कर्मचारीहरुको पनि उपस्थिति रहेका थियो।
42
Shares
प्रतिक्रिया