युनिकोड
टीभीएस मोटरले टीभीएस अपाचे आरआर ३१० विशेष संस्करण कोलम्बियामा एक प्रदर्शनीमा राखेको छ। यो एडिसनको बाइक मेट ब्ल्याक कलरमा रेड कम्बिनेसनयुक्त रहेको कम्पनीले बताएको छ। यसको फ्यूल ट्याङकमा आरआर पेन्ट रहेको छ भने फेयरिङमा स्पोर्ट बाइकहरुमा देखिने स्टिकरहरु राखेको छ।
कम्पनीका अनुसार केही समयअगाडि फिचरहरुमा परिर्वतन गरी भारतीय बजारमा पनि सार्वजनिक गरेको थियो। मे २०१९ मा कोलम्विया अटो शोमा प्रदर्शनीमा राखिएको यो मोटरसाइकल भारतीय बजारमा पनि छिटै सार्वजनिक तयारी गरिएको कम्पनी बताएको छ।
अपाचे आरआर ३१० मा ३१२ सीसी सिगंल सिलिन्डर लिक्विड कुल्ड, ४ भल्भ, इनक्लाइन रिभर्स एफआई इन्जिन छ भने ३४ पीएस पावर तथा २७ एनएम टर्क जेनेरेट गर्ने बताइएको छ। कोलम्बियामा यसको बजारमूल्य करिब ३ लाख ७० हजार भारु पर्ने बताइएको छ।
प्रतिक्रिया