मकवानपुरमा मोटरसाइकल दुर्घटना हुँदा युवकको मृत्यु

मकवानपुरमा आज (बुधबार) बिहान मोटरसाइकल दुर्घटना हुँदा युवकको मृत्यु भएको छ। 

प्रहरीका अनुसार मदन भण्डारी लोकमार्गअन्तर्गत मकवानपुरको बकैया गाउँपालिका-४, जुरेलीबजारनजिक आज बिहान अनियन्त्रित भई बा ४० प ५३०६ नम्बरको मोटरसाइकल दुर्घटना भएको हो। 

हात्तीसुडेबाट ठूलोदमारतर्फ गइरहेको सो मोटरसाइकल दुर्घटना हुँदा त्यसका चालक ३३ वर्षीय रुपक दियालीको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक श्यामु अर्यालले जानकारी दिए।