एमाले धादिङको नेतृत्व चयनका लागि मतदान जारी, परिणाम आजै आउने

नेकपा एमाले धादिङको आगामी कार्यकालको नेतृत्व चयनका लागि मतदान जारी रहेको छ।

धादिङको सदरमुकाम धादिङवेशीमा मतदान भइरहेको हो। दुईवटा प्यानल निर्वाचनमा होमिएका छन्।

अध्यक्ष पदका उम्मेदवार भूमि त्रिपाठी र रामकुमार अधिकारी नेतृत्वको प्यानल चुनावी मैदानमा उत्रिएका हुन्। दुवैजना अध्यक्ष केपी शर्मा ओली निकट मानिन्छन्।

विद्युतीय भोटिङ मेसिनबाट मतदान भैरहेको हो। मतदान प्रक्रिया सकिएपछि मतगणना गरिने बताइएको छ। जसका लागि १५ वटा मेसिन राखिएको छ।

मतपरिणाम आजै आउने निर्वाचन कमिटीले जनाएको छ।