युनिकोड
काठमाडौंको नरदेवीस्थित एक घरमा आज बिहान लागेको आगो झन्डै ६ घण्टाको प्रयासपछि निभेको छ।
काठमाडौं महानगरपालिका– १८ नरदेवीस्थित शोभा बज्राचार्यको घरको पाँचौँ तलामा बिहान करिब ७ बजे भएको आगलागी दिउँसो करिब १ बजे निभाइएको हो।
जिल्ला प्रहरी परिसर काठमाडौँका प्रवक्ता तथा प्रहरी उपरीक्षक कुमोध ढुङ्गेलका अनुसार दमकल, पानी ट्याङकर, नेपाली सेना, नेपाल प्रहरी, सशस्त्र प्रहरी र स्थानीयको सहयोगमा आगो निभाइएको हो।
आगलागीबाट पाँचौँ तलाको ढोका र झ्यालमा क्षति भएको र त्यसको कारण भने खुल्न नसकेको प्रहरी उपरीक्षक ढुङ्गेलले बताए। रासस
सामाजिक सञ्जालमा सार्वजनिक आगलागीको भिडिओ–
प्रतिक्रिया