युनिकोड
बागमती प्रदेशका नवनियुक्त मुख्यन्यायधिवक्ता ज्ञानेन्द्र नेपालले पद तथा गोपनियताको शपथ ग्रहण गरेका छन्। आज (सोमबार) प्रदेश प्रमुखको कार्यालयमा उच्च अदालत पाटनका मुख्यन्यायधीश महेश पुडासैनीले नेपाललाई पद तथा गोपनियताको सपथग्रहण गराएका हुन्।
मुख्यन्यायधिवक्ताको काम कर्तव्य अधिकार तथा सेवा शर्त सम्बन्धि ऐन २०७५ को दफा १४ बमोजिम पद तथा गोपनियताको समथ ग्रहण गरिएको प्रदेश प्रमुखको कार्यालयले जनाएको छ ।
नेपाललाई बागमती प्रदेश प्रमुख यादवचन्द्र शर्माले यही माघ १२ गते बिहिबार मुख्यन्यायधिवक्तामा नियुक्त गरेका थिए।
सिन्धुपाल्चोकका नेपालले आज सपथ ग्रहण गरेसँगै पदभार समेत गहण गरिसकेका छन्।
कार्यक्रममा प्रदेश प्रमुख यादब चन्द्र शर्मा, प्रदेशका मुख्यमन्त्री शालिकराम जम्मकट्टेल, भौतिक पूर्वाधार विकास मन्त्री युवराज दुलाल लगायतको उपस्थिति थियो।
माघ १६, २०७९, साेमबार
प्रतिक्रिया