अटोबजार हप्ताको दुई दिन खुल्ने

सरकारले भलि देखि व्यवसाय सञ्चालनको लागि खुकुलो बनाएसँगै अटोबजार पनि खुल्ने भएको छ।

सरकारले हप्ताको दुई दिन अटो बजार समेत खुल्ला गर्ने निर्णय गरेको हो। अब सोमबार र बुधबार अटो पसलहरु खुल्नेछन्।

अटो व्यवसायीहरुले सरकारले लकडाउन खुल्ला नगरे बिहीबारबाट जबरजस्ती भए पनि बजार खुल्ला गर्ने चेतावनाी पछि सरकारले यस्तो निर्णय गरेको हो।

नाडा अटो मोबाइल एसोसिएसनले कोभिड १९ संक्रमणबाट बच्ने कडा सुरक्षात्मक उपाय अवलम्बन गर्दै व्यवसाय खोल्ने वातावरण बनाउन चेतावनी सहित सोमबार विज्ञप्ति जारी गरेको थियो। अन्यथा आफैँ खुलाउने विज्ञप्तिमा भनिएको थियो।

नाडाले सरकारले निषेधाज्ञा नखोले जनता स्वयं सडकमा आउने भन्दै उसले कोरोनाबाट बच्ने उपाय निषेधाज्ञा वा लकडाउन नभएकोले व्यवसाय सञ्चालन गर्ने वातावरण बनाउन आग्रह गरेको थियो।

‘संक्रमणबाट बच्ने सुरक्षात्मक उपायको कडाइका साथ पालन गराउँदै उद्योग व्यवसायहरु सञ्चालन गर्न आवश्यक वातावरण बनाउनुपर्छ’, विज्ञप्तिमा भनिएको थियो, ‘जनता स्वयं नै आफ्नो दुःख, पीडा र अभावका कारण बाध्य भई सडकमा आउने सम्भावना हुँदा सरकारले हाल जारी निषेधाज्ञाबारे पुनर्विचारका लागि हामी अपिल गर्दछौँ।’