युनिकोड
वेदकोट नगर तेस्रो मेयर कप फुटबल प्रतियोगिता शुक्रबारदेखि सुरु भएको छ।
वेदकोट नगरपालिका–५ पोल्खरीस्थित गोल्डेन युवा क्लवको खेल मैदानमा प्रतियोगिता सुरु भएको हो।
वेदकोट नगरपालिका वडा नं. ५ को आयोजना भइरहेको प्रतियोगिताको एक कार्यक्रमबीच वेदकोटका नगरप्रमुख भोजराज बोहराले उद्घाट गरे।
उद्घाटन समारोहको अवसरमा वेदकोट नगरका जनप्रतिनिधि र कर्मचारीबीच मैत्रीपूर्ण खेल भएको थियो। वेदकोट कर्मचारीले जनप्रतिनिधिलाई ३–० गोलअन्तरले पराजित गरे।
प्रतियोगिताको पहिलो खेलमा शुक्रबार आयोजक वेदकोट वडा नम्बर ५ ले विजयी सुरुवात गरेको छ। वेदकोट वडा नम्बर ५ ले वेदकोट वडा नम्बर ४ लाई २–० गोलअन्तरले पराजित गरेको हो।
प्रतियोगिताका खेलहरु लिग कम नकआउटका आधारमा खेलाइने छ। सहभागी ९ टिमलाई दुई समूहमा विभाजन गरिएको छ। समूह एमा वेदकोट वडा नं. १, २, ४, ५ र १० छ भने समूह बीमा वेदकोट वडा नं. ३, ९, ५ जी र ६ छ।
प्रतियोगिता कार्तिक २१ गतेसम्म सञ्चालन हुने छ। विजेता टिमले ५० हजार १२५ रुपैयाँ र उपविजेता टिमले २५ हजार १२५ रुपैयाँ नगदसहित ट्रफी, मेडल र प्रमाण–पत्र प्रदान गरिने आयोजकले जनाएको छ।
यस्तै उत्कृष्ट स्ट्राइकर, प्लेयर, डिभेन्डर, गोलकिप्पर, सर्वाधिक गोलकर्ता र उदयमान खेलाडीलाई उपहार र प्रत्येक खेलमा म्यान अफ दी म्याच घोषणा गरी पुरस्कृत गरिने छ।
प्रतिक्रिया