युनिकोड
कैलालीमा मोटरसाइकल दुर्घटना हुँदा एक जनाको मृत्यु भएको छ।
जिल्ला प्रहरी कार्यालयका अनुसार आफैँले चलाएको मोटरसाइकल पल्टिँदा कृष्णपुर नगरपालिका–१ का ४० वर्षीय भरत भाटको मृत्यु भएको हो।
भाट सवार सु.प.प्र.०१००८ प. ८९९७ नम्बरको मोटरसाइकल सोमबार दिउँसो आफैँ अनियन्त्रित भएर गोदावरी नगरपालिका–१ मनहरामा पल्टिएको थियो।
दुर्घटनामा गम्भीर घाइते भएका भाटको उपचारका क्रममा गएराति माया मेट्रो अस्पताल धनगढीमा मृत्यु भएको प्रहरीले जनाएको छ।
मोटरसाइकलमा पछाडि बसेकी कृष्णपुर नगरपालिका-१ की १७ वर्षीया अनिशा भाट भने सामान्य घाइते भएकी छन्। उनको हात र खुट्टामा चोट लागेको प्रहरीले जनाएको छ।
प्रतिक्रिया