युनिकोड
सुदूरपश्चिम प्रदेशको मुख्यमन्त्रीमा नेपाली कांग्रेसका कमलबहादुर शाह दोहोरिने भएका छन्।
नेकपा एमालेको समर्थनमा नेपाली कांग्रेसका शाह मुख्यमन्त्रीमा दोहोरिन लागेका हुन्।
प्रदेश प्रमुख नजिर मियाँले मुख्यमन्त्रीमा दाबी पेस गर्न आह्वान गरेको समय आज सकिँदै छ।
शाह मुख्यमन्त्रीमा दाबी पेस गर्न जाने तयारीमा छन्।
एक नेताअनुसार दाबी पेस गर्न प्रदेश प्रमुख मियाँसँग साढे १२ बजेको समय माग गरेका छन्।
शाह कांग्रेस सुदूरपश्चिम संसदीय दल नेतासमेत हुन्।
प्रदेश प्रमुख मियाँले संविधानको धारा १६८ को उपधारा (२) बमोजिम सुदूरपश्चिम प्रदेशको प्रदेश सभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्न सक्ने प्रदेश सभाको सदस्यलाई मुख्यमन्त्री पदमा नियुक्त गर्नका लागि दाबी पेस गर्न आह्वान गरेको थिए।
प्रतिक्रिया