युनिकोड
कञ्चनपुरमा ट्याक्टरको ठक्करबाट ६ वर्षीय बालकको मृत्यु भएको छ। शनिबार बेलुका बेदकोट नगरपालिका–६ सिसैयामा ट्याक्टरले ठक्कर दिँदा ६ वर्षीय बालकको मृत्यु भएको जिल्ला प्रहरी कार्यालय कञ्चनपुरले जनाएको छ।
सिसैया चोकबाट करिब १५० मिटर उत्तरतर्फ से १ त ८९३० नम्बरको ट्याक्टरले ठक्कर दिँदा सिसैयाका असोक चन्दका ६ वर्षीय छोरा लब चन्दको मृत्यु भएको हो।
उत्तरतर्फबाट राजमार्गतर्फ आइरहेको ट्याक्टरले सडकमा रहेका बालकलाई ठक्कर दिएको थियो। घटनापछि आक्रोशित आफन्त र स्थानीयले पूर्व पश्चिम महेन्द्र राजमार्गअन्तर्गत सिसैयामा सडक अवरुद्ध गरेका थिए।
टायर बालेर गरिएको सडक अवरोध करिब २ घण्टापछि अहिले सुचारु भएको जिल्ला प्रहरी कार्यालय कञ्चनपुरका डीएसपी प्रकाश डाँगीले बताए।
ट्याक्टर चालक बेदकोट नगरपालिका–१० का ४८ वर्षीय रामे चौधरीलाई प्रहरीले नियन्त्रणमा लिएको छ।
प्रतिक्रिया