युनिकोड
आयोजकले सोमबार पत्रकार सम्मेलन गर्दै प्रतियोगिता १५ गतेसम्म चल्ने प्रतियोगितामा देशका १६ क्रिकेट एकेडेमीको सहभागिता रहने जानकारी दिएको हो।
प्रतियोगिता निर्देशक प्रबल गौतमका अनुसार लिग कम नकआउटका आधारमा सञ्चालन हुने प्रतियोगितामा सहभागी सबै टोलीको टुंगो लागिसकेको छ। सहभागी टिमलाई ४ समूहमा विभाजन गरिएको छ।
मुलपानी क्रिकेट मैदानमा हुने प्रतियोगितामा हरेक समूहका विजेता टोली सेमिफाइनलमा पुग्नेछन्।
राष्ट्रिय खेलकुद परिषद (राखेप) को प्रवर्धनमा हुने प्रतियोगिताको विजेताले १ लाख ५० हजार र उपविजेताले १ लाख पाउने छन्। यस्तै म्यान अफ दि सिरिज, उत्कृष्ट बलर, ब्याट्सम्यान र इमर्जिङ प्लेयरलाई पनि पुरस्कृत गरिने छ।
यस्तै उत्कृष्ट ४ खेलाडीलाई नेक्ससले दिल्लीमा ६ महिनाको निशुल्क प्रशिक्षणको व्यवस्था मिलाएको र पाँच खेलाडीलाई नेक्सस एकेडेमीले १ वर्षको निशुल्क प्रशिक्षणको अवसर दिने आयोजकले जनाएको छ।
त्यस्तै प्रतियोगिताका हरेक खेलाडी र अफिसियलका लागि ५ लाख बराबरको बिमा गरिएको आयोजकले जनाएको छ।
प्रतिक्रिया