विश्वकप छनोट: यस्तो छ कुवेतविरुद्ध नेपालको सुरुवाती-११

फिफा विश्वकप २०२२ र एएफसी एसिया कप २०२३ अन्तर्गतको पहिलो छनोट खेल नेपालले केहीबेरमा कुवेतविरुद्ध उसैको मैदानमा खेल्दैछ।

खेलका लागि नेपालको सुरुवाति-११ यस्तो छ: विमल घर्तीमगर, सुजल श्रेष्ठ, रोहित चन्द, रवि पासवान, विशाल राई, सुमन अर्याल, देवेन्द्र तामाङ, अनन्त तामाङ, अजित भण्डारी र किरण चेञ्जोङ।

तथ्यहरु: पहिलो भिडेको टोली कुवेत

• अन्तर्राष्ट्रिय फुटबलमा नेपालको पहिलो प्रतिद्वन्द्वी हो, कुवेत। नेपालले सन् १९८२ नोभेम्बर २१ मा एसियाली खेलकुदमा पहिलो पटक कुवेतको सामना गरेको थियो। नयाँ दिल्लीमा भएको खेलमा नेपाल कुवेतसँग ३–१ ले पराजित रह्यो।
• वाईवी घलेले कुवेतविरुद्धको पहिलो खेलमा ऐतिहासिक गोल गरेका थिए। त्यो नै नेपालको पहिलो अन्तर्राष्ट्रिय गोल हो। यो गोल ८५ औं मिनेटमा सम्भव भएको थियो। कुवेतविरुद्ध नेपालले हालसम्म गरेको एकमात्रै गोल पनि त्यही हो। उनको पूरा नाम हो, यामबहादुर घले। उनी भिक्टोरियाक्रम विजेता गजे घलेका छोरा हुन्।

• नेपालले अहिलेसम्म सात संस्करणका विश्वकप छनोट खेलेको छ, सन् १९८६ यता। यसबीचम नेपालले विश्वकप छनोटमा कुल ३० खेल खेलेको छ।
• पहिलो विश्वकप छनोट खेलेको नेपाली टिमका प्रशिक्षक थिए, प्रसिद्ध जोए किनर। नेपाली फुटबलले पाएका उनी सम्भवतः सबैभन्दा चर्चित प्रशिक्षक हुन्। उनी सन् २००८ देखि २००९ सम्म इंग्लिस प्रिमियर लिग क्लब न्युकासल युनाइटेडको व्यवस्थापक थिए।
• विश्वकप छनोटको इतिहासमा नेपालको पहिलो खेल थियो, दक्षिण कोरियाविरुद्ध सन् १९८५ को मार्च २ मा। काठमाडौंको दशरथ रंगशालामा भएको त्यस खेलमा नेपाल २–० ले पराजित रह्यो। नेपाली टिमका कप्तान थिए, रूपकराज शर्मा।
• विश्वकप फुटबल छनोटमा नेपालका लागि सर्वाधिक गोल गर्ने खेलाडी हुन्, निराजन रायमाझी। उनले ७ गोल गरेका छन्। त्यसमा एक ह्याट्रिक पनि पर्छ। उनी विश्वकप छनोटमा ह्याट्रिक गर्ने एक मात्र नेपाली खेलाडी हुन्।

• विश्वकप छनोटमा नेपालका लागि पहिलो गोल गर्ने खेलाडी हुन्, हरि खड्का। उनले सन् १९९७ मार्च २३ मा मकाओविरुद्ध गोल गरेका थिए। त्यो खेल १–१ को बराबरीमा समाप्त भएको थियो। 

हेड टू हेड
नेपालले कुवेतलाई सिनियर लेभलमा कहिलै हराउन सकेको छैन्। नेपाल र कुवेत अहिलेसम्म ६ पटक आमने सामने हुँदा ५ पटक कुवेतले जितेको छ भने १ खेल बराबरीमा सकिएको छ।

१९८२ को एसियन गेम्समा नेपाल र कुवेत पहिलोपटक भिडेका थिए। नयाँ दिल्लीमा भएको उक्त खेलमा नेपाल ३–१ ले पराजित भएको थियो। त्यसबेला वाइबी घलेले नेपालका तर्फबाट गरेको उक्त गोल नै कुवेती पोस्टमा नेपालले गर्न सकेको एकमात्रै गोल हो। त्यसबाहेक ६ खेलमा नेपालले २२ गोल खाएको छ।

कुवेतसँग नेपालक १९९४ मा भएको एसियन गेम्समा सबैभन्दा ठूलो ८–० को हार ब्यहोरेको थियो। गत मार्चमा मैत्रीपूर्ण खेलमा गोलरहित बराबीमा रोक्नु नै उसविरुद्ध नेपालको सबैभन्दा ठूलो सफलता हो।

पछिल्ला ५ महिनामा कुवेतले ५ वटा अन्तर्राष्ट्रिय खेल खेलेको छ। जसमा उसले २ मा जित, २ मा बराबरी र एकमा हारको नतिजा ब्यहोरेको छ।

नेपाली खेलाडी ले भने पछिल्लो पछिल्लो एकवर्षमा मात्रै ५ खेल खेल्न पाएका छन्। ती ५ वटै खेलमा नेपालले जित हात पार्न सकेको छैन्। तीन खेल हारेको नेपालले दुई खेल बराबरी गरेको छ।

कुवेतविरुद्धको एक खेलमा हार र एक खेलमा बराबरी, मलेसियासँग २–० को हार, चाइनिज ताइपेलाई १–१ को बराबरी तथा गत भदौ ९ गते मलेसियन क्लब दारुलसँग १–० ले पराजित हुनु नेपाली पछिल्ला ५ खेलका नतिजा हुन्।

विश्वकप छनोटमा नेपालको तालिका

फिफा वरियताका आधारमा नेपाल सोझै फिफा विश्वकप २०२२ अन्तर्गतको एसिया छनोट दोस्रो चरणमा प्रवेश गरेको हो। दोस्रो चरणमा विभिन्न ८ समूहमा बाडिएका ४० राष्ट्रले प्रतिस्पर्धा गर्देछन्। समूहका शीर्ष टोली र उत्कृष्ट चार उपविजेता टोली अन्तिम चरणमा पुग्नेछन्।

नेपाल समूह बीमा छ। नेपालको समूहमा कुवेत, अष्ट्रेलिया र जोर्डन छन्। सबै टोलीले होम एण्ड अवेको आधारमा प्रतिस्पर्धा गर्नेछ। नेपालले भदौ १९ गते कुवेतविरुद्ध उसैको मैदानमा खेल्दै प्रतियोगिताको सुरुवात गर्दैछ।

यस्तै नेपालले भदौ २४ गते चाइनिज चाइपेइविरुद्ध उसैको मैदानमा खेल्नेछ। नेपालले असोज २३ मा अष्ट्रेलियाविरुद्ध र असोज २८ गते जोर्डनविरुद्ध उनीहरुकै मैदानमा अवे खेलहरु खेल्नेछ।