शनिबार राति भएको फाइनल खेलमा बार्साले एथ्लेटिक बिल्बाओमाथि ४–० को शानदार जित हात पारेको हो।
बार्साको जितमा लियोनल मेस्सीले दुई गोल गरेभने एन्टोनी ग्रिजम्यान र फ्र्यांकी डि योङले एक–एक गोल गरे।
अधिकाँश समय बार्साले नियन्त्रणमा लिएको खेलमा सबै गोल दोस्रो हाफमा भएको थियो।
खेलको ६० औं मिनटमा ग्रिजम्यानले सुरुवाती गोलगर्दा त्यसको तेस्रो मिनेटमै डि योङले दोस्रो गोल गरेका थिए।
त्यसपछि लगातार मेस्सीले खेलको ६८ औं र ७२ औं मिनेटमा गोलगर्दा बार्साले बिल्बाओमाथि सहजै जित निकाल्यो।
च्याम्पियन्स लिगबाट बाहिरिएको बार्सिलोनाको ध्यान अब ला लिगा उपाधिमा केन्द्रित हुनेछ।
ला लिगामा ३० औं चरणको खेल सम्पन्न भइसक्दा ६७ अंक भएको एथ्लेटिको मड्रिड लिगको शीर्ष स्थानमा छ।
६६ अंक भएको रियल मड्रिड दोस्रो स्थानमा छ भने ६५ अंकसहित बार्सा तेस्रो स्थानमा छ। आठ खेल बाँकी रहँदा आगामी सबै खेलका नतिजा उपाधि जित्न र उपाधिबाट बन्चित बन्न निर्णायक मानिनेछन्।
प्रतिक्रिया