युनिकोड
नेपाली राष्ट्रिय टोलीका गोलरक्षक किरण चेम्जोङ सम्मिलित राउण्ड ग्लास पञ्जाव एफसीले भारतमा जारी आई लिगमा सोमबार नेरोका एफसीसँग प्रतिस्पर्धा गर्दै छ।
खेल पश्चिम बंगालको कल्याणी स्टेडियममा साँझ सवा ७ बजे सुरु हुनेछ।
पञ्जाव आजको खेलमा जित निकाल्दै दोस्रो स्थानमा उक्लने योजनामा छ। लिगका ९ खेलमा ४ मा जित, २ मा हार र ३ मा बराबरी गरेको पञ्जाव १५ अंकमा तालिकाको छैटौं स्थानमा छ।
समान खेल खेलेको नेरोका एफसी भने ८ अंकमा पुछारबाट दोस्रो स्थानमा छ। ९ खेल खेलेको नेरोका २ मा जित, २ मा बराबरी र ५ खेलमा हार भोगेको छ।
आजै भएको पहिलो खेलमा गोकुलम केरला एफसीलाई ३–२ गोलले पराजित गर्दै चर्चिल ब्रदर्श एफसी गोवा शीर्ष स्थानमा उक्लिएको छ।
१० खेल खेलेबाट अपराजित चर्चिल ६ मा जित, ४ मा बराबरी गर्दै २२ अंक जोडेको छ। पराजित गोकुलम एफसी भने १६ अंकमा चौथो स्थानमा छ
प्रतिक्रिया