युनिकोड
गौतम बुद्ध क्रिकेट रगंशालाको नमुना मैदानमा मंगलबार भएको फाइनल खेलमा राप्तीले नारायणीलाई ९ रनले पराजित गरेको हो।
१ सय ४४ रनको लक्ष्य पछ्याएको नारायणीले निर्धारित २० ओभरमा ९ विकेट गुमाउँदै १ सय ३४ रन मात्र जोड्न सक्यो।
नारायणीका लागि युवा ब्याट्सम्यान आरिफ शेखले सर्वाधिक ४८ रनको योगदान दिए। रित गौतम २७ रनमा पवेलियन फर्के।
भुवन कार्कीले आफ्नो स्पेलमा १९ रन खर्चेर २ विकेट झारे। कमलसिंह ऐरी र जितेन्द्र मुखियाको नाममा एक एक विकेट रह्यो।
त्यसअघि पहिला ब्याटिङ गरेको राप्तीले २० ओभरमा ८ विकेट गुमाउँदै १ सय ४३ रनको योगफल तयार पारेको थियो।
राप्तीका लागि ओपनर कुशल भुर्तेल र अमित श्रेष्ठले ५१ रनको साझेदारी गरे। अमितले १८ तथा कुशलले ४२ रनको योगदान दिए। कप्तान विनोद भण्डारीले ३३ रन जोडे।
नारायणीका लागि शाहव आलमले सर्वाधिक ३ विकेट लिए। सुशन भारीले २ तथा करण केसीले १ विकेट झारे।
प्रतिक्रिया