युनिकोड
खेल नेपाली समयअनुसार आजराति १ बजेर ४५ मिनेटमा सुरु हुनेछ।
यस खेलमा दुई वर्षपछि पहिलोपटक दुई स्टार खेलाडीहरु लियोनल मेस्सी र क्रिस्टियानो रोनाल्डो एकसाथ मैदानमा देखिँदैछन्।
मेस्सी बार्साबाट र रोनाल्डो युभेन्ट्सको तर्फबाट मैदान उत्रनेछन्।
खेल अगाडि युभेन्ट्सका प्रशिक्षक आन्द्रे पिर्लोले मेस्सी उत्कृष्ट खेलाडी भएको बताएका छन्। यद्यपी मेस्सी अहिले मनोवैज्ञानिक समस्यामा परेको उनको भनाइ छ।
यस सिजनको सुरुवातमा मेस्सी र बार्सिलोनाबीच विवाद भएको थियो। मेस्सी क्लब छाडेर अन्य क्लबमा आवद्ध हुन चाहन्थे। अब आउने नयाँ सिजनमा उनले क्लब छाड्ने अनुमान गरिएको छ।
‘मेस्सी जीवनको गम्भीर मोडमा आइपुगेका छन् किनभने उनी र क्लबबीच समस्या देखिएको छ’ पिर्लो भन्छन्,‘तर खेलमा उनले आफ्नो गुण सँधै देखाएका छन्। फुटबलको समस्या भन्दा उनमा सम्भवत अहिले मनोवैज्ञानिक समस्या छ। तर म त्यस विषयमा जान चाहन्न, किनभने त्यो विषय हाम्रो सरोकारको विषय होइन।’
उनले क्लबसँगको विवादका कारण मेस्सी मनोवैज्ञानिक समस्यामा रहेको संकेत गरेका थिए। यद्यपी उनले मेस्सी उत्कृष्ट भएको र उनले आफ्नो उत्कृष्टता सँधै देखाएको पिर्लोको भनाइ छ।
सो क्रममा मेस्सी र रोनाल्डो दुवैलाई पिर्लोले उत्कृष्ट खेलाडी भएको बताए। मार्का
यो पनिः आज दुई वर्षपछि मैदानमा आमने–सामने हुँदै मेस्सी र रोनाल्डो
प्रतिक्रिया