युनिकोड
संयुक्त अरब इमिरेट्स (युएई) अर्को वर्ष भारत र श्रीलंकामा हुने आईसीसी पुरुष टी–२० विश्वकपमा छनोट भएको छ।
ओमानमा जारी एसिया र पूर्वी एसिया प्यासिफिक छनोटमा जापानलाई पराजित गर्दै शीर्ष तीनमा स्थान सुरक्षित गरेको हो।
यससँगै एसिया र पूर्वी एसिया प्यासिफिकबाट विश्वकप खेल्ने तीनवटै टोलीको टुंगो लागेको छ। नेपाल र ओमान यसअघि नै छनोट भइसकेका छन्।
यससँगै विश्वकप खेल्ने २० टोलीको टुंगो लागेको छ।
युएईको जितसँगै कतार र सामोआको पनि शीर्ष तीनको ढोका बन्द भएको छ। बिहीबार जापानले दिएको ११७ रनको सामान्य लक्ष्य युएईले १३ औँ ओभरको पहिलो बलमा मात्रै २ विकेटको क्षतिमा पूरा गर्यो।
यूएईको जितमा अलिशान शराफुले २७ बलमा ४६ रन बनाउँदा कप्तान मुहम्मद वासिमले २६ बलमा ४२ रनको योगदान दिए।
मयंक चौधरी र राहुल चोप्रा १३ र १४ रनमा अविजित रहे। जारी छनोटमा नेपाल मात्रै अपराजित टोली हो। अब नेपालले शुक्रबार अन्तिम खेलमा सामोआसँग खेल्दा ट्रफी उचाल्ने लक्ष्यमा हुनेछ।
प्रतिक्रिया