युनिकोड
नेपाल प्रिमियर लिग (एनपीएल)को अक्सन आज सुरु हुँदैछ। लिगमा सहभागी ८ क्लब छन्। दोस्रो सिजनको एनपीएलको अक्सनमा १६४ खेलाडीको नाम छ। यीमध्ये ३७ जनामाथि क्लबहरूले बोली लगाउनेछन्।
नेपाल क्रिकेट संघ क्यानले खेलाडीहरूलाई विभिन्न श्रेणीमा विभाजन गरेको छ। यीमध्ये पहिलो सिजनमा ए श्रेणीमा रहेका ६ खेलाडीलाई क्लबले रिलिज गरेको छ। यी ६ खेलाडीलाई यसपटक कसले भित्र्याउलान् भन्नेमा सबैको चासो छ।
गत सिजन चितवन राइनोजमा रहेका शरद भेषावकर यसपटक उनलाई कुनकुन क्लबले बोली लगाउँछन् भन्ने चासो छ। त्यस्तै ए श्रेणीमै रहेका अर्जुन साउद र सूर्य तामाङलाई पनि लुम्बिनी लायन्सले रिलिज गरेको छ। उनीहरूलाई कुन क्लबले किन्छ त्यसका लागि अक्सननै पर्खिनु पर्ने भएको छ।
त्यस्तै कर्णाली याक्सले पनि ए श्रेणीमा रहेका देव खनाललाई रिलिज गरेको छ। उनलाई यसपटक कसले भित्र्याउला भन्ने चासो छ।
पोखरा एभेन्जर्सले पनि ए श्रेणीकै दिलीपनाथ र सुनम गौतमलाई पनि रिलिज गरेको छ। उनीहरूमाथि कुन क्लबले बोली लगाउला भन्ने चासो छ।
यता आदिल आलम र पवन सर्राफ पहिलोपटक ए श्रेणीमा समावेश भएका छन्। गत सिजनमा आदिल निलम्बनमा थिए भने पवन घाइते।
दोस्रो सिजनको अक्सन आज दिउँसो ३:४५ बजे सुरु हुँदैछ।
प्रतिक्रिया