युनिकोड
ओपनर रायल रिकल्टनको शतकमा दक्षिण अफ्रिकाले आईसीसी च्याम्पियन्स ट्रफीमा विजय सुरुवात गरेको छ।
शुक्रबार राति सम्पन्न खेलमा दक्षिण अफ्रिकाले अफगानिस्तानविरुद्ध १ सय ७ रनको फराकिलो जित दर्ता गरेको हो।
दक्षिण अफ्रिकाले दिएको ३ सय १६ रनको लक्ष्य पछ्याएको अफगानिस्तान ४३.३ ओभरमा २ सय ८ रन बनाउँदा अलआउट भयो।
अफगानिस्तानलाई सस्तैमा रोक्न दक्षिण अफ्रिकाका कागिसो रवाडाले ३ विकेट लिए। लुंगि एन्गिडी र वइन मुल्दारले समान २ विकेट लिए।
केशव महाजन र मार्को यानसनले एक एक विकेट आफ्नो नाममा गरे।
त्यसअघि पाकिस्तानको कराँचीस्थित नेशनल क्रिकेट स्टेडियममा टस जितेर ब्याटिङ गरेको दक्षिण अफ्रिकाले निर्धारित ५० ओभरमा ६ विकेटको क्षतिमा ३ सय १५ रनको योगफल तयार पारेको थियो।
ओपनर रायनले १ सय ६ बलमा ७ चौका र १ छक्का सहयोगमा १ सय ३ रन बनाउँदा रनआउट भए।
कप्तान टेम्बा बभुमाले ५८, रसी भान डेर दुसेन र एडेन मक्रेमले समान ५२ रनको योगदान दिए।
अफगानिस्तानका मोहम्मद नावीले २ विकेट लिए। फजाल्हक फारुकी, अज्मतुल्लाह ओमारजाइ र नुर अहमदले एक/एक विकेट लिए।
जितसँगै दक्षिण अफ्रिका समूह बी को शीर्ष स्थानमा उक्लेको छ।
च्याम्पियन्स ट्रफीमा आज समूह बीका अस्ट्रेलिया र इङ्ग्ल्यान्डबीचको खेल हुनेछ।
यो खेल दिउँसो पौने ३ बजे पाकिस्तानको लाहोरमा सुरु हुनेछ।
प्रतिक्रिया