युनिकोड
घरेलु टोली गण्डकी प्रदेशलाई पराजित गर्दै नेपाल पुलिस क्लबले पहिलो पटक टाइगर कप भलिबल प्रतियोगिताको पुरुषतर्फको उपाधि उचालेको छ।
योसँगै टाइगर कपको पाँचौँ सस्करणले महिला पुरुष दुवैतर्फ नयाँ च्याम्पियन पाएको हो।
पोखरा रगंशालास्थित कभर्डहलमा आइतबार भएको फाइनलमा पुलिस क्लबले गण्डकीलाई ३-१ को सेटमा पाखा लगायो।
पुलिस क्लबले पहिलो सेट २५-२३ र दोस्रो सेट २५-२१ ले सहजै आफ्नो पक्षमा पार्यो।
तर तेस्रो सेट भने पुलिस क्लबले २५-२० ले गण्डकीलाई सुम्पेको थियो।
तनावका कारण केहीबेर रोकिएको चौथो सेटमा पुलिस क्लबले २५-२२ जित निकाल्दै पहिलो पटक च्याम्पियन बनेको हो।
आजै भएको महिलातर्फको फाइनलमा आयोजक टाइगर क्लबले एपीएफलाई ३-२ को सेटमा हराउँदै पहिलो पटक च्याम्पियन बनेको थियो।
प्रतिक्रिया