भुटानको थिम्पुमा आजदेखि ५ औँ भारत–भुटान मैत्री–टेनिस प्रतियोगिता शुरु भएको छ।
प्रतियोगितामा नेपाल,भारत, बंगलादेश र भुटानका ७२ खेलाडीहरु सहभागी छन्। मेन्स सिंगल्स, लेडिज सिंगल्स,४५ प्लस समुहको भेट्रान्स सिंगल्सका खेलहरु समावेश छन्।
नेपालको तर्फबाट मेन्स (पुरुष) सिंगल्समा एवन लिसानेविच र कमल थापा, लेडिज सिंगल्समा असलेषा लिसानेविच तथा ४५ प्लस सिंगल्समा कमल थापा, चाम्बा धोण्डुप र प्रताप मोक्तानले भाग लिएका छन्।
राप्रपाका सहायक महामन्त्री राजाराम बर्ताैलाका अनुसार, आज भएको मेन्स सिंगल्सको पहिलो राउण्डमा नेपालका कमल थापाले भुटानका टासी दोर्जेलाई (७–५,७–६) र एवन लिसानेविचले भुटानकै जिग्मे नोर्बुलाई (६–०,६–२) मा पराजित गरे। लेडिज सिंगल्सको पहिलो राउण्डमा नेपालकी असलेषाले भुटानकी चेन्चो डेमलाई (६–०,६–०) मा पराजित गरिन्।
प्रतिक्रिया