युनिकोड
आईसीसी यू–१९ विश्वकप अन्तर्गत पाकिस्तानविरुद्ध पावर प्ले मा नेपालले मध्यम सुरुवात गरेको छ।
इस्ट लन्डनको वुफेलो पार्कमा टस जितेर ब्याटिङ गरिरहेको नेपालले पावर प्ले मा २ विकेट गुमाएर ५५ रन बनाएर खेलिरहेको छ।
क्रिजमा विपिन रावल २६ र कप्तान देव खनाल ६ रनमा अविजित छन्। २८ बलको सामना गरेका विपिनले ३ चौका र १ छक्का प्रहार गरे।
नेपालले पहिलो विकेटको रुपमा ओपनर अर्जुन कुमाललाई गुमाएको थियो।
पाँचौँ ओभरको दोस्रो बलमा अर्जुन १२ बलमा ६ रन बनाउँदा अहमद हुसैनको बलमा बोल्ड आउट भए। यसअघि अर्जुनले न्युजिल्यान्डविरुद्ध ९० रनको उत्कृष्ट पारी खेलेका थिए।
सातौँ ओभरको पाँचौ बलमा आकाश त्रिपाठी क्याच आउट भए। १० बलमा १ चौका हानेका आकाश मोहम्मद हुसैनकै बलमा क्याच आउट हुन पुगे।
नेपालले आजको खेलमा जित निकाले सुपर सिक्स सम्भावना बलियो बनाउने छ।
प्रतिक्रिया