युनिकोड
उरूग्वेका फरवार्ड लुइस सुआरेज र अर्जेन्टिनी स्टार लियोनल मेस्सी फेरि सँगै खेल्ने भएका छन्।
सुआरेज अमेरिकी मेजर लिग सकर टोली इन्टर मियामीमा अनुबन्ध भएसँगै फेरि सँगै खेल्ने भएका हुन्।
मियामीमा सुआरेज र मेस्सीसँगै सर्जियो बुस्केट्स र जोडी अल्बा पनि एकै क्लबकाट खेल्नेछन्।
आफ्नो पुस्ताका सर्वोत्कष्ट फरवार्डमध्येका एक सुआरेजले २०१५ र २०१९ बीच मेस्सी, बुस्केट्स र अल्बासँगै बार्सिलोनामा चार ला लिगा उपाधि जितेका थिए।
३६ वर्षीय सुआरेज यसअघि ब्राजिलियन क्लब ग्रेमियोबाट व्यवसायिक लिग खेलेका थिए।
ग्रेमियोले २०२३ को सिजनमा ब्राजिलको सिरी ए मा दोस्रो स्थान हासिल गरेको थियो। जसमा उनी लिगको सर्वोत्कृष्ट खेलाडी पनि बने।
मियामी पुगेपछि सुआरेजले भने, 'नयाँ चुनौती लिन पाउँदा खुसी र उत्साहित छु। नयाँ साथी र प्रशिक्षकलाई भेट्न पाउँदा उत्साहित छु।'
मियामीका मालिक जोर्गे मासले पनि सुआरेजलाई क्लबमा भित्राउन पाएकोमा खुसी व्यक्त गर्छन्।
नासिओनल, अजाक्स र एथलेटिको मड्रिडसँग लिग उपाधि जितिसकेका सुआरेजले ३३ खेलमा १७ गोल गरेछन्।
प्रतिक्रिया