एनएसएलमा आज चितवन र बुटवल भिड्दै, दुवै टोली दोस्रो जितको खोजीमा

नेपाल सुपर लिग (एनएसएल) मा आज (बिहीबार) एफसी चितवन र बुटवल लुम्बिनी एफसी भिड्दै छन्।

खेल दशरथ रगंशालामा साँझ ५ बजे सुरु हुनेछ। 

बुटवल र चितवन दुवै टोली दोस्रो जितको खोजीमा मैदान उत्रनेछन्।

चितवन विशाल श्रेष्ठ र बुटवल एरिक विष्टको कप्तानीमा भिड्नेछन्। 

लिगको पाँचौँ स्थानमा रहेको चितवनले एक खेलमा जित, एक खेलमा हार र एक खेलमा बराबरी गरेको छ। लिगमा ४ अंक जोडेको चितवन दुई स्थान सुधार गर्ने योजनामा हुनेछ। 

उता एक खेलमा जित र दुई खेलमा हार भोगेको बुटवल दोस्रो जित हासिल गर्ने योजनामा हुनेछ। बुटवलले ३ खेल सकिँदा अंक तालिकामा ३ अंक मात्र जोडेको छ। 

अघिल्लो खेलमा स्पोर्टिङ इलाम डी मेचीलाई २–१ ले हराउँदै बुटवलले पहिलो जित हासिल गरेको थियो। बुटवल चितवनलाई हराउँदै तीन स्थान सुधार गर्ने दाउमा छ।