युनिकोड
क्रिस्टियानो रोनाल्डोको दोहोरो गोल मद्दतमा सीरि ए अन्तर्गत आइतबार राति भएको खेलमा यूभेन्ट्सले पर्मालाई २-१ गोलअन्तरले पराजित गरेको छ। यस खेलसँगै रोनाल्डोले सीरि एमा लगातार सात खेलमा गोल गरेका छन्।
पहिलो हाफ सकिन २ मिनेट अघि रोनाल्डोले यूभेन्ट्सलाई अग्रता दिलाएका थिए। अन्द्रेस कार्नेलिसले ५५औं मिनेटमा शशक्त हेडर गोल गर्दै खेललाई बराबरीमा ल्याए। तर त्यसको तीन मिनेटपछि पाउलो डिबालाको पासमा रोनाल्डोले दोस्रो गोल गर्दै यूभेन्ट्सलाई जित दिलाए।
जितसँगै यूभेन्ट्सले अंक तालिकामा दोस्रो स्थानको इन्टरमिलान भन्दा ४ अंकको अग्रता बनाएको छ।
२००५ मा यूभेन्ट्सका लागि डेभिड ट्रिजेगेटले लगातार ९ खेलमा गोल गरेपछि रोनाल्डो लगातार ७ खेलमा गोल गर्ने खेलाडी बनेका छन्।
पोर्चुगलका स्टार रोनाल्डो दोस्रो हाफमा ह्याट्रिक नजिक थिए तर पर्माका गोल किपर लुंगि सेपले उनको शशक्त प्रहारको उत्कृष्ट बचाउ गरे।
आइतबार नै भएको अर्को खेलमा इन्टर मिलान लेस्सीसँग १-१ को बराबरीमा रोकिएपछि उसले यूभेन्ट्सलाई दबाब मुक्त गरेको छ।
प्रतिक्रिया