महिला विश्वकप : आयोजक न्युजिल्यान्डको विजयी सुरुवात

महिला विश्वकप २०२३ मा आयोजक न्युजिल्यान्डले विजयी सुरुवात गरेको छ।

बिहीबार इडेन पार्कमा भएको विश्वकपको पहिलो खेलमा घरेलु टोली न्युजिल्यान्डले नर्वेलाई १-० गोल अन्तरले हराउँदै विजयी सुरुवात गरेको हो।

खेलको ४८औं मिनेटमा ह्याण्डको पासमा विल्किन्सले गोल गर्दै घरेलु टोलीलाई पहिलो जित दिलाएकी हुन्।

समूह ए मा रहेको न्युजिल्यान्डलाई नर्वेले पहिलो हाफमा गोलरहित बराबरीमा रोकेपनि दोस्रो हाफमा सम्हालिन सकेन।

खेलको ८७औं मिनेटमा न्युजिल्यान्डले पेनाल्टी अवसरको सदुपयोग गर्न नसक्दा अग्रता दोब्बर पार्ने मौका गुमायो। रिया पर्सिभलको पेनाल्टी अवसर सदुपयोग गर्न सकीनन्। जितसँगै घरेलु टोली न्युजिल्यान्ड समूह ए को शीर्ष स्थानमा छ।