युनिकोड
एसीसी प्रिमियर कप अन्तर्गत आफ्नो तेस्रो खेलमा घरेलु टोली नेपालले आज सोमबार साउदी अरेबियासँग प्रतिस्पर्धा गर्दै छ।
माथिल्लो मूलपानी मैदानमा हुने खेल बिहान ९ बजे सुरु हुनेछ।
नेपाल आजको खेलमा साउदीलाइ हराउँदै सेमिफाइनलमा पुग्न चाहन्छ। उता साउदी पनि उपाधि दाबेदार मानिएको नेपाललाई हराउँदै सेमिफाइनल पुग्ने प्रयासमा छ।
समूह ए मा रहेको नेपाल २ खेलमा ४ अंक जोड्दै शीर्ष स्थानमा छ। साउदी भने एक खेलमा जित र एक खेलमा हार भोग्दै २ अंकमा चाैथो स्थानमा छ।
नेपालले समूह चरणको पहिलो खेलमा मलेसियालाई ६ विकेट र दोस्रो खेलमा ओमानलाई ८४ रनको फराकिलो अन्तरले हराएको थियो।
साउदी भने पहिलो खेलमा मलेसियासँग ८ विकेटले पराजित हुँदा दोस्रो खेलमा कतारलाई ७ विकेटले पाखा लगाएको थियो।
प्रतिक्रिया