जनकपुर रोयल्सले नेपाल टी २० लिगमा फारवेस्ट युनाइटेडसामु १ सय ६२ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा फारवेस्टले टस जितेर फिल्डिङ रोजेपछि ब्याटिङ गरेको जनकपुरले निर्धारित २० ओभरमा ७ विकेटको क्षतिमा १ सय ६१ रनको योगफल तयार पारेको थियो।
जनकपुरका ओपनर तथा कप्तान त्रिभोन ग्रिफिट र सरफुद्दिन अस्रफले ५२ रनको साझेदारी गरे। सन्दीप जोरा ५५ रनमा क्याच आउट भए। ३२ बलको सामना गरेका सन्दीपले १ चौका र ५ छक्का हाने।
त्रिभोन ३२ र अस्रफ २० रनमा पवेलियन फर्के। चन्दविक वाल्टनले २४ रन थपे। सन्दीप जोरा १६ रनमा क्याच आउट भए। खडक बोहोरा २ रनमा रनआउट भए। पवन सर्राफ ९ नटआउट रहे।
फारवेस्टका प्रकाश जैसीले ३ तथा भुवन कार्कीले दुई विकेट लिए। नुर अहमदले एक विकेट लिए।
30
Shares
प्रतिक्रिया