नवौँ खेलकुद : म्याराथन धाविका पुष्पा भण्डारी घाइते, दौड छाडिन्, उपचार हुँदै

म्याराथन धाविका पुष्पा भण्डारी घाइते भएकी छन् ।

पोखरामा जारी नवौँ राष्ट्रिय खेलकुद प्रतियोगितामा महिला म्याराथन प्रतियोगितामा दौडिरहेको बेला मंगलबार उनी खुट्टामा चोट लागेर उनी घाइते भएकी हुन्।

करिब २० किलोमिटर दूरी पार गर्ने क्रममा उनको खुट्टा फ्याक्चर भएको हो।

´२० किलोमिटर पार गर्दै थिँए, खुट्टा दुख्यो,` उनले भनिन्-´पहिला वास्ता गरिनँ, पछि अरू १० किलोमिटर कुदेँ, त्यसपछि कुद्नै नसक्ने गरी दुख्यो अनि रोकिएँ।`

उनलाई पोखरास्थित अन्नपूर्ण हस्पिटलमा उपचारका लागि भर्ना गरिएको छ। गोलीगाँठो भन्दा तलको भागमा केही समस्या देखिएकाले प्लास्टर गरिएको उपचारमा संलग्न चिकित्सकले बताएका छन्।