खेल


यूएईसँग पराजित हुँदै नेपाल विश्वकपको ग्लोबल छनोटमा पुग्न असफल

यूएईसँग पराजित हुँदै नेपाल विश्वकपको ग्लोबल छनोटमा पुग्न असफल

नेपालखबर
मंसिर १२

यूएईसँग ४८ रनले पराजित हुँदै नेपाल आईसीसी महिला टी–२० विश्वकपको ग्लोबल छनोटमा पुग्न असफल भएको छ। 

नेपाललाई पराजित गरेको युएई भने लगातार ५ खेल जित्दै ग्लोबल छनोटमा पुग्न सफल भयो। 

जित्नैपर्ने खेलमा १ सय २८ रनको लक्ष्य पछ्याएको नेपाल निर्धारित २० ओभरको २ बल बाकी रहँदै सबै विकेट गुमाएर ७९ रनमै समेटियो। 

नेपालका लागि इन्दु बर्माले १५, सिताराना मगरले १३, सरिता मगर ८, काजल श्रेष्ठ ८, अप्सरी बेगम ४, कविता कुँवर ४, करुणा भण्डारीले २ रन जोडिन्। 

युएईकी समाइरा धर्निधर्काले ४ तथा चामानी सेनेभिरत्ना र खुसी शर्माले समान २–२ विकेट लिए।

त्यसअघि आइसिसी एकेडेमी २ ग्राउन्डमा नेपालले टस जितेर फिल्डिङ रोजेपछी ब्याटिङ गरेको घरेलु टोलीले निर्धारित २० ओभरमा ५ विकेट गुमाएर १ सय  २७ रनको योगफल तयार पारेको हो। 

युएईका लागि चमानी सेनेभिरत्नले सर्वाधिक ५२ रनको योगदान गरिन्। ३६ बलको सामना गरेकी उनले ७ चौका हानिन्। उनी कविता कुवँरको बलमा बोल्ड आउट हुन पुगिन्। 

दोस्रो विकेटका लाग ओपनर तिर्थ साथिस र काविसा इगोडाजेले ५८ रनको साझेदारी गरे। 

ओपनर तिर्थ ४७ रनमा सिता राना मगरको बलमा बोल्ड आउट हुन पुगिन्। 

काभिसा २२ रन जोड्दा क्याच आउट हुन पुगिन्। अर्की ओपनर ईसा ओजा ४ रनमा कविता कुवँरको बलमा बोल्ड आउट भईन्। समाइरा धर्निभर्का सवनम राईको बलमा एबीडब्लु आउट भईन्। 

नेपालका लागि कविता कुवँरले २ विकेट झारिन्। संगिता राई, सवनम राई र सिता रानामगरले समान एक विकेट झारे। 

मंसिर १२, २०७८, आइतबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: [email protected]
News: [email protected]

विज्ञापनका लागि सम्पर्क

+977 9851081116
[email protected]

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी

नेपालखबर टीम


Copyright © 2021 Nepalkhabar. All Rights Reserved. Designed by Curves n' Colors. Powered by .