युनिकोड
तीव्र गतिका बलर मोहम्मद हुसैनको घातक बलिङमा यू–१९ राष्ट्रिय क्रिकेट प्रतियोगितामा लुम्बिनी प्रदेशले सानदार विजयी सुरुवात गरेको छ।
मंगलबार मूलपानी क्रिकेट मैदानमा भएको पहिलो खेलमा लुम्बिनीले गण्डकी प्रदेशलाई ९ विकेटले हराउँदै सुखद सुरुवात गरेको हो।
गण्डकीले दिएको २४ रनको लक्ष्य लुम्बिनीले ५.५ ओभरमा १ विकेट खर्चेर भेट्टायो। लुम्बिनीका कप्तान देव खनालले २० बलमा ४ चौका सहित सर्वाधिक १८ रन बनाए। विराट भण्डारी ८ रनमा अविजित रहे।
त्यसअघि पहिले टस जितेर ब्याटिङ गरेको गण्डकी प्रदेश १४.२ ओभरमा २३ रनमा अल आउट भयो।
गण्डकीका ७ खेलाडीले खाता खोल्न सकेनन्। गण्डकीका अर्जुन कुमालले १७ बलमा १ चौका सहित सर्वाधिक ६ रन जोडे। विष्णु पाण्डे ५ र सचिनराज अधिकारीले २ रन बनाए।
गण्डकीलाई कम स्कोरमा रोक्न तीव्र गतिका बलर मोहम्मद हुसैनले ७ ओभरमा १ मेडन सहित १४ रन खर्चेर ७ विकेट लिए।
लुम्बिनीले आफ्नो दोस्रो खेलमा बुधबार कर्णालीसँग त्रिवि क्रिकेट मैदानमा खेल्नेछ। गण्डकी प्रदेशले भने बुधबार मूलपानीमा बागमती प्रदेशसँग खेल्नेछ।
प्रतिक्रिया