युनिकोड
एथ्लेटिक्सका पूर्व खेलाडी सन्तोष श्रेष्ठ र दिलमाया कार्की वैवाहिक बन्धनमा बाँधिएका छन्।
नेपाल एपीएफ क्लबका एथलेटिक्स प्रशिक्षक ३७ वर्षे सन्तोष र सुर्खेतकी ३२ वर्षीया दिलमायाले ८ वर्षको प्रेम सम्बन्धलाई आइतबार विवाहमा परिणत गरेका हुन्।
सन्तोष १६ वर्षअघि र दिलमाया ९ वर्षअघि एपीएफमा आबद्ध भएका थिए।
दिलमायाले केही समयअघि जर्मनीबाट स्पोर्टस एथलेटिक्सको कोर्स पूरा गरेकी छन् भने सन्तोषले ५ वर्षअघि भारतको पटियालामा एक वर्षे एथलेटिक्सको डिप्लोमा कोर्स गरेका थिए।
अहिले एपीएफमा सन्तोष मध्यम र लामो दूरीका खेलाडीलाई प्रशिक्षण दिन्छन्। दिलमायाले भने १ सय, २ सय मिटर, ४ सय मिटरका खेलाडीलाई प्रशिक्षण दिन्छिन्।
प्रतिक्रिया