रामोसले पीएसजीमा जर्सी नं ४ लगाउने, पेरिसमा यसरी भयो भव्य स्वागत (भिडिओ)

रियल मड्रिडबाट बिदा भएका सर्जियो रामोसलाई फ्रान्सको पेरिस सेन्ट जर्मेनले अनुबन्ध गर्ने निश्चित भइसकेको छ।

रामोसले रियल मड्रिडमा झैं पीएसजीमा पनि जर्सी नम्बर ४ लगाउने स्पेनिस खेल पत्रिका मार्काले जनाएको छ।

समाचारका अनुसार रामोसले पीएसजीमा २ वर्षको सम्झौता गर्नेछन्। सम्झौताका लागि रामोस पेरिस पुगिसकेका छन्।

पेरिस पुगेका उनलाई पीएसजीका समर्थकले भव्य स्वागत गरेका थिए। उनीहरुले ‘रामोस रामोस’ भन्दै नारा लगाएका थिए।

(भिडिओ)

V.I.P. arrival in Paris... 👀 @SergioRamos

🎥 @CanalSupporters pic.twitter.com/fuNNKIl9Wc

— 433 (@433) July 7, 2021

पीएसजीले आफूलाई जर्सी नम्बर ४ दिएको पुष्टि गर्दै रामोसले पनि पीएसजीको वेबसाइटसँग भनेका छन्,‘पीएसजीले जर्सी नम्बर ४ दिएकोमा खुशी छु। म अलि अन्धविश्वासी छु। मैले यो जर्सी जीवनभर लगाएको छु र यो मलाई फाप्छ। यही नम्बरको जर्सी लगाएर मैले धेरै खेल जितेको छु।’

पीएसजीमा जर्सी नम्बर ४ थिलो केररले लगाउदै आएका थिए। रामोसका लागि भने उनले सो नम्बर छाडिदिएका छन्।

रामोसले नयाँ सिजनमा नेमार जुनियर र केलिएन एमबाप्पेसँगै एकै टोलीमा खेल्नेछन्।