युनिकोड
नेपाली नागरिकलाई भारत प्रवेशमा रोक लगाइएको छ।
सुदूरपश्चिमी सीमा नाका गड्डाचौकी र कैलालीको गौरीफन्टा नाका भएर भारत गइरहेका नेपालीलाई एसएसबीले प्रवेश दिएको छैन।
माथिको आदेश भन्दै भारत जान नदिएर फर्काएको भारतफर्त हिँडेका नेपालीले गुनासो गरेका छन्। नेपालका कारगारहरुबाट कैदीबन्दी भागेको र उनीहरु भारत भित्रिन सक्ने भएकाले नाकामा कडाइ गरिएको बताइन्छ।
महेन्द्रनगरको सडकमा नेपाली सेना परिचालित भएको छ। सेनासहित प्रहरी र सशस्त्र प्रहरीले बिहानैदेखि महेन्द्रनगर बजार र आसपासका क्षेत्रमा गस्ती गरिरहेका छन्।
अत्यावश्यक काम बाहेक स्थानीयलाई घर बाहिर ननिस्किन आग्रह गरिएको छ।
आन्दोलन उग्र बनेपछि मंगलबार महेन्द्रनगरमा सरकारी कार्यालय, नेताहरुको घरमा आगजनी र तोडफोड भएको थियो। प्रदर्शनकारीले कारागार पसेर कैदीबन्दीलाई बाहिर निकालेका थिए।
नियन्त्रण बाहिर गएको स्थितिलाई सेनाको सहयोगमा सुरक्षाकर्मीले अहिले नियन्त्रणमा लिने प्रयास गरिरहेका छन्।
प्रतिक्रिया