युनिकोड
विराटनगरको राजवंशी चोक नजिकै भएको मोटरसाइकल दुर्घटनामा परी एक प्रहरी नायब निरीक्षक (सई)काे मृत्यु भएको छ।
बुधबार बिहान राजवंशी चोकबाट नोवेल अस्पतालतर्फ जाँदै गरेको स ७ प ९१५२ नम्बरको मोटरसाइकल अनियन्त्रित भई भित्री सडक खण्डमा दुर्घटनामा परेको हो।
दुर्घटनामा परी मोटरसाइकल चालक कोशी प्रदेश प्रहरी तालिम केन्द्र रानीमा कार्यरत ४० वर्षीय प्रहरी नायब निरीक्षक मिनबहादुर बोहराकाे मृत्युु भएको जिल्ला प्रहरी कार्यालय माेरङका एसपी कवित कटुवालले जानकारी दिए।
उनको स्थायी दरबन्दी हिरासत व्यवस्थापन शाखा झापामा रहेको बुझिएको छ। गम्भीर घाइते भएका बाेहराकाे उपचारको क्रममा मृत्यु भएको हाे। मृतक बाेहराकाे आजै विराटनगरस्थित पराेपकार घाटमन अन्त्यष्टी भएको छ।
मोटरसाइकलको पछाडि सवार उदयपुर त्रियुगा नगरपालिका-६ का ४१ वर्षीय पेशल कुमार बस्नेत घाइते भएका छन्।बस्नेतको नोवेल अस्पताल विराटनगरमा उपचार भइरहेको छ।
प्रतिक्रिया