चिनी उद्योगको मेसिनमा च्यापिएर मजदूरको मृत्यु

सर्लाहीको धन्कौलमा उखुको खुवा बनाउने मेसिनमा च्यापिएर एक मजदूरको मृत्यु भएको छ। 

धन्कौल गाउँपालिका–३, मा रहेको अन्नपूर्ण चिनी उद्योगको खुवा बनाउने मेसिनमा च्यापिएर धन्कौल–४, महिनाथपुर बस्ने १९ वर्षका चुनचुन रायको मृत्यु भएको हो। 

काम गर्ने क्रममा च्यापिएका रायको घटनास्थलमै मृत्यु भएको जिल्ला प्रहरी कार्यालय, सर्लाहीको प्रहरी नायब उपरीक्षक सरोज राईले जानकारी दिए। प्रहरीका अनुसार रायको शव परीक्षणको लागि प्रादेशिक अस्पताल मलङ्वामा राखिएको छ। 

घटनाको थप अनुसन्धान भइरहेको प्रहरी प्रवक्ता राईले बताए।