घाँस झार्ने क्रममा ६२ वर्षीय वृद्ध रुखबाट खसे

सप्तरीको सप्तकोसीमा रुखबाट लडेर एक जनाको मृत्यु भएको छ।

सप्तकोरी नगरपालिका २ परसाहा घर भएका ६२ वर्षीय परशुराम पुवेलको रुखबाट लडेर मृत्यु भएको प्रहरीले जनाएको छ।

स्थानीय सामुदायिक वनमा बिहीबार साँझ घाँस काट्न गएका उनको रुखबाट लडेर मृत्यु भएको हो।

घाँस झार्ने क्रममा रुखको हाँगा भाँचिदा पुवेल तल खसेका थिए। उनको घटनास्थमै मृत्यु भएको इलाका प्रहरी कार्यालय कञ्चनपुरका प्रहरी नायब उपरीक्षक माधव प्रसाद काफ्लेले जानकारी दिए।

घटनाका सम्बन्धमा थप अनुसन्धान जारी रहेको प्रहरीले जनाएको छ।