पत्नीको हत्या गरेर खोल्सामा शव फालेको आरोपमा पति पक्राउ

धनुषामा श्रीमतीको हत्या गरेको आरोपमा प्रहरीले एक व्यक्तिलाई पक्राउ गरेको छ।

३६ वर्षीया रूबी यादवको हत्या गरेको अभियोगमा क्षिरेश्वरनाथ नगरपालिका-५ महेन्द्रनगर बस्ने ३८ वर्षीय राज नारायण यादवलाई पक्राउ गरिएको जिल्ला प्रहरी कार्यालय धनुषाले जनाएको छ।

उनले श्रीमतीको हत्या गरी मिथिला नगरपालिका-५ औरहीस्थित खोला बाबाको मन्दिर छेउको खोल्सामा फालेको प्रहरी अनुसन्धानबाट खुलेको छ। 

इलाका प्रहरी कार्यालय महेन्द्रनगर र इलाका प्रहरी कार्यालय ढल्केबरबाट खटिएको प्रहरीले उनलाई शनिबार पक्राउ गरेको हो ।

घटनाका सम्बन्धमा थप अनुसन्धान भइरहेको प्रहरीले जनाएको छ।