युनिकोड
इलाममा ट्रकले स्कुटरलाई ठक्कर दिँदा दुई जनाको मृत्यु भएको छ।
शनिबार साँझ मेची राजमार्गमा पर्ने इलाम नगरपालिका-९ भञ्ज्याङ गोलाइमा झापाबाट इलामतर्फ जाँदै गरेको प्रदेश १-०१-००१ ख ४१०१ नम्बरको ट्रक र विपरीत दिशातर्फ जाँदै गरेको प्रदेश १-०१-०१२ प ४८९९ नम्बरको स्कुटर आपसमा ठोक्किएका हुन्।
जिल्ला प्रहरी कार्यालय इलामले दिएको जानकारी अनुसार दुर्घटना स्कुटरमा सवार इलाम नगरपालिका-९ गोलबस्ती बस्ने २६ वर्षीय डेबिट थापामगर र माईजोगमाई गाउँपालिका-१ नयाँबजार घर भई इलाम ७ चोकबजार बस्ने १८ वर्षीय छेवाङ शेर्पाको मृत्यु भएको हो।
दुर्घटनामा गम्भीर घाइते उनीहरुको जिल्ला अस्पताल इलाममा उपचारको क्रममा मृत्यु भएको हो।
दुर्घटनामा संलग्न ट्रक चालक इलाम नगरपालिका-५ बिब्ल्याँटेका २५ वर्षीय रामप्रसाद श्रेष्ठलाई पक्राउ गरिएको प्रहरीले जनाएको छ।
प्रतिक्रिया