युनिकोड
सुर्खेतको चौकुनेमा अटो दुर्घटना हुँदा सात जना घाइते भएका छन्। सोमबार बिहान अटो दुर्घटनामा परेको प्रहरीले जनाएको छ।
जिल्ला प्रहरी कार्यालय सुर्खेतका अनुसार चौकुने गाउँपालिका-८ मा मायातालबाट गुडुतर्फ जाँदै गरेको से १ ह २७०० नम्बरको अटो अनियन्त्रित भइ सडकबाट करिब ४० मिटर तल खसेको छ।
टाउकोमा गम्भीर चोट लागेका ५ महिने शिशुको अवस्था चिन्ताजनक रहेको जिल्ला प्रहरी कार्यालय सुर्खेतका डीएसपी मोहनजंग बुढाले जानकारी दिए।
दुर्घटनामा चौकुने गाउँपालिका–५ भुयातालका २९ वर्षीय नवराज आले, मायातालकी ३५ वर्षीया मिना विक र उनका ५ महिनाका छोरा नविश विक, चौकुने–८ कोलघारकी १० वर्षीया धरमिसरा विक, ३५ वर्षीया जस्दा विक, ३ वर्षीय उषा विक र ५४ वर्षीय देवा विक छन्। अटो चालक पनि घाइते भएका छन्।
उनीहरूको उपचार स्थानीय मेडिकलमा भइरहेको प्रहरीले जनाएको छ।
प्रतिक्रिया