हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको सवारी दुर्घटनामा परेर मृत्यु भएको छ।
सुर्खेतबाट नेपालगन्ज जाँदै गर्दा सुर्खेतको भेरीगंगा नगरपालिका वडा नम्बर–५ मा सोमबार दिउँसो भएको सवारी दुर्घटनामा उपाध्यक्ष कार्कीको मृत्यु भएको जिल्ला प्रहरी कार्यालय सुर्खेतले जनाएको छ।
कर्णाली प्रदेश ०२००१ ख १०११ नम्बरको फोर्स गाडी सडक छेउको नालामा खस्दा अन्य २३ जना घाइते भएका डीएसपी वीरेन्द्र विश्वकर्माले जानकारी दिए।
‘दुर्घटनामा परेर उहाँ (उपाध्यक्ष कार्की) गम्भीर घाइते हुनु भएको थियो,’ डीएसपी विश्वकर्माले नेपालखबरसँग भने, ‘नेपालगन्ज मेडिकल कलेज भेरी अस्पतालमा उपचारको क्रममा गएराति पौने २ बजे उहाँको मृत्यु भएको हो।’
Shares
प्रतिक्रिया