युनिकोड
कास्की प्रहरीले मादक पदार्थ सेवन गरी स्कुल बस चलाएको आरोपमा ५ जना चालकलाई पक्राउ गरेको छ।
जिल्ला प्रहरी कार्यालयका कास्कीका प्रहरी नायब उपरीक्षक (डीएसपी) हरिबहादुर बस्नेतका अनुसार स्कुल बस चालकले मादक पदार्थ सेवन गरी बस चलाउने गरेको गुनासोपछि सोमबार बिहान साढे ९ बजे जाँच गरिएको थियो। जाँचका क्रममा मादक पदार्थ सेवन गरेर स्कुल बस चलाउने ५ जना चालकलाई पक्राउ गरिएको बस्नेतले बताए।
पक्राउ पर्नेमा माउन्ट हेभन बोर्डिङ स्कुलको ग १ क ३६७४ नम्बरको बसका चालक कास्कीको पोखरा महानगरपालिका-१५ का ३३ वर्षीय आनन्द परियार, कुमुदिनी होम्स बोर्डिङ स्कुलको ग १ क १३८२ नम्बरको बसका चालक पोखरा-५, प्रस्याङका ३७ वर्षीय गौतम गुरुङ, बिन्देश्वरी बोर्डिङ स्कुलको ग १ क ६२२१ नम्बरको बसका चालक पोखरा-१५ का ४४ वर्षीय भक्तबहादुर गुरुङ, अंजली बोर्डिङ स्कुलको ग १ क ६४०३ नम्बरको बसका चालक पोखरा-१६ का ४८ वर्षीय डम्बरबहादुर गुरुङ र एसओएस बोर्डिङ स्कुलको ग १ क ६४३३ नम्बरको बसका चालक पोखरा-१० रामबजारका ४७ वर्षीय पदम विक रहेका छन्।
उनीहरूलाई आवश्यक कारबाहीको प्रक्रिया अगाडि बढाइएको जिल्ला प्रहरी कार्यालय कास्कीले जनाएको छ।
प्रतिक्रिया