दाङको देउखुरीमा सोमबार राति दुई मोटरसाइकल आपसमा ठोक्किँदा दुई जनाको मृत्यु भएको छ।
पूर्व–पश्चिम राजमार्गमा पर्ने लमही भालुबाङ सडकखण्डको पिपरीमा दुर्घटना भएको प्रहरीले जनाएको छ। दुर्घटनामा घोराही उपमहानगरपालिका-१५ निवासी २६ वर्षीय बालकृष्ण भण्डारी र लमही नगरपालिका-४ निवासी २७ वर्षीय विनायक चौधरीको मृत्यु भएको जिल्ला प्रहरी कार्यालय दाङले जनाएको छ।
दुर्घटनामा एकजना गम्भीर घाइते भएका छन्।
लु १९ प ५५०६ र रा ३ प २०६१ नम्बरको मोटरसाइकल आपसमा ठोक्किए लगत्तै ना ६ ख ६७७४ नम्बरको ट्रकले ठक्कर दिँदा दुर्घटना भएको हो।
दुर्घटनामा गम्भीर घाइते भएपछि दुवै जनालाई उपचारका लागि अस्पताल लगिएको थियो । अस्पताल पुर्याएलगत्तै उनीहरुको मृत्यु भएको प्रहरीले जनाएको छ।
दुर्घटनामा राप्ती गाउँपालिका-८ बिजौरीका २८ वर्षीय दिपक मरासिनी गम्भीर घाइते भएका छन्।
प्रतिक्रिया