२ हजार ४४४ संक्रमित थपिए, ३ हजार ८५३ निको भए

गएको २४ घण्टामा नेपालमा २ हजार ४४४ जनामा कोरोना भाइरसको संक्रमण पुष्टि भएको छ।

११ हजार ६४० जनामा परीक्षण गर्दा सो संख्यामा संक्रमित फेला परेका हुन्।

यो अवधिमा ३ हजार ८५३ जना संक्रमणमुक्त भएका छन्।

आज ४२ जनाको मृत्यु भएको स्वास्थ्य तथा जनसंख्या मन्त्रालयले जनाएको छ। यो सहित नेपालमा कोरोनाका कारण ज्यान गुमाउनेको सख्या ९ हजार ५१ पुगेको छ।

आज काठमाडौं उपत्यकामा ५१६ जनामा संक्रमण देखिएको छ। जसमा काठमाडौं ३५५, ललितपुर ११२ र भक्तपुर ४९ जना रहेका छन्।