हराएका बालकको शव खाडलमा भेटियो

भक्तपुरको चाँगुनारायणमा दुई दिनदेखि हराइरहेका १० वर्षीय एक बालकको शव फेला परेको छ।

चाँगुनारायण नगरपालिका ९ ताथलीका राजु मछेका १० वर्षीय छोरा रोजनको शव घर नजिकैको इँटा भट्टाको खाडलमा फेला परेको प्रहरीले जनाएको छ।

महानगरीय प्रहरी परिसर भक्तपुरका प्रवक्ता दिपक गिरीका अनुसार स्थानीय बिएस इँटा उद्योगको कम्पाउण्ड भित्र रहेको खाडलको पानीमा डुबेको अवस्थामा बालकको शव फेला परेको हो।

बालक गएको शुक्रबार बिहानदेखि हराइरहेका थिए। उनको खोजी गर्ने क्रमममा शनिबार दिउँसो शव फेला परेको हो। घटनाको विषयमा थप अनुसन्धान भइरहेको गिरीले जानकारी दिए।