बाढीले हेलम्बुको प्रहरी चौकी भवन बगायो

 सिन्धुपाल्चोकको हेलम्बु गाउँपालिकामा रहेको इलाका प्रहरी कार्यालय बाढीले बगाएको छ।

यस्तै हेलम्बु –२ को वडा कार्यालय र विद्यालयको भवन पनि बा९ले बगाएको छ।

ती भबन शुक्रबार राति आएको बाढीले बगाएको हो। बाढीको जोखिम बढेपछि कार्यालयका महत्वपूर्ण सामान सुरक्षित स्थानमा सारिएको थियो।

असार १ गते सिन्धुपाल्चोकको मेलम्ची नदीमा आएको बाढीमा परेर २० जना अझै बेपत्ता छन्।

सिन्धुपाल्चोकका सहायक प्रमुख जिल्ला अधिकारी बाबुराम खनालका अनुसार उनीहरूको खोजी, पीडितहरूको उद्धारमा ४६१ सुरक्षाकर्मी खटिएका छन्।