युनिकोड
आज आइतबार पहाडी भेगमा वर्षाको सम्भावना रहेको मौसमविद्ले बताएका छन्।
मौसम पूर्वानुमान महाशाखाले आइतबार बिहान ६ बजे जारी गरेको मौसम पूर्वानुमान बुलेटिनअनुसार अहिले प्रदेश १ र कर्णाली प्रदेशमा मौसम सामान्य बदली (घामभन्दा बादल बढी) र बाँकी प्रदेशमा आंशिक बदली (बादलभन्दा घाम बढी) छ।
दिउँसो भने पहाडी भेगका थोरै स्थानमा मेघगर्जन/चट्याङसहित हल्का वर्षा हुन सम्भावना छ। यसबाहेक प्रदेश १ लगायत अन्य प्रदेशका पहाडी भेगमा मौसम आंशिक बदली र अन्य स्थानमा मौसम सामान्यतया सफा रहनेछ महाशाखाले जनाएको छ।
यस्तै राति पनि प्रदेश १ का एक दुई स्थानमा मेघगर्जन/चट्याङसहित हल्का वर्षाको सम्भावना रहेको महाशाखाले जनाएको छ। यसबाहेक पहाडी भेगमा मौसम आंशिकदेखि सामान्यसम्म बदली रही अन्य स्थानमा सामान्यतया सफा रहनेछ।
मौसमविद्का अनुसार हाल देशमा पश्चिमी वायु र स्थानीय वायुको सामान्य प्रभाव छ।
प्रतिक्रिया