भारतमा गएको २४ घण्टामा १ लाख ६५ हजार संक्रमित बन्दा २ लाख ७६ हजार कोरोनामुक्त

गएको २४ घण्टामा पनि संक्रमित हुनेभन्दा कोरोनामुक्त हुनेको संख्या बढी देखिएको छ।

भारतमा एकैदिनमा १ लाख ६५ हजार ५५३ जना नयाँ संक्रमित थपिँदा सोही अवधिमा २ लाख ७६ हजार ३०९ कोरोनामुक्त भएको त्यहाँको स्वास्थ्य मन्त्रालयले जनाएको छ।

यससँगै भारतमा कोरोनाबाट संक्रमित हुनेको कुल संख्या २ करोड ७८ लाख ९४ हजार ८०० पुगेको छ भने हालसम्म त्यहाँ ३ लाख २५ हजार ९७२ जनाको मृत्यु भइसकेको छ।

अहिले भारतमा २१ लाख १४ हजार ५०८ मात्र सक्रिय संक्रमित छन्।