कोरोनाबाट गण्डकी प्रदेशमा एकै दिन ३० जनाको मृत्यु

गण्डकीमा कोभिड १९ बाट ३० जनाको निधन भएको छ।

यो एकैदिन सार्वजनिक गरिएको अहिलेसम्मकै ठूलो मृत्यु संख्या हो।

गण्डकी स्वास्थ्य निर्देशनालयले बुधबार सार्वजनिक गरेको विवरण अनुसार मृत्यु हुनेमा कास्कीका ८ जना, स्याङ्जाका ७ जना, पर्वत र तनहुँमा ५/५, गोखराका ३ जना र नवलपुरका २ जना छन्।

हालसम्म गण्डकीमा कोभिडबाट ४५२ जनाको मृत्यु भइसकेको छ। गण्डकीमा संक्रमणको दर पनि बढिरहेको छ। पछिल्लो २४ घण्टामा मात्रै ६८८ जनामा संक्रमण देखिएको छ।

हाल गण्डकीमा ९ हजार ६८८ सक्रिय संक्रमित छन् ।